Fillimi me Finabit Web

Finabit Web është versioni në shfletues i Finabit. Punon me të njëjtën bazë të të dhënave si aplikacioni desktop, kështu që dokumentet që regjistroni këtu i shihni edhe në desktop, dhe anasjelltas.

Kyçja

1. Hapni web.finabit.com.
2. Plotësoni Kompania, Përdoruesi ose email dhe Fjalëkalimi.
3. Nëse jeni në kompjuterin tuaj, mund të zgjidhni Më mbaj të kyçur.
4. Shtypni Kyçu.

Pajisje e re

Nëse kyçeni nga një pajisje ose shfletues i ri, administratori mund të duhet ta aprovojë kërkesën te Cilësimet › Siguria › Kërkesat e Kyçjes.

Pas kyçjes

Hapet Ballina (Dashbordi) me përmbledhjen e shitjeve, blerjeve, arkës dhe bankës për muajin aktual.

• Menyja kryesore është në të majtë: Ballina, Kompania, Blerjet, Shitjet, Artikujt, POS, Arka dhe Banka, Prodhimi, Pagat & BN, Mjetet themelore, Servisimi, Cilësimet dhe Raportet.
• Kur klikoni një modul, hapet paneli i dytë me nënmenytë e tij, të ndara në seksione.
• Butoni + I ri lart majtas krijon shpejt një dokument të ri.

Ndihma brenda aplikacionit

Në çdo formë, butoni Ndihma hap faqen e këtij help-i për formën ku jeni. Nëse për atë formë ende nuk ka udhëzim, hapet faqja e modulit.

Gjuha dhe rajoni

Gjuha (Shqip/English) ndërrohet me butonat SQ / EN lart djathtas. Formati i datave dhe i numrave vendoset te Cilësimet › Cilësimet e mia › Rajoni.