Tema
Faturat e blerjes
Fatura e blerjes regjistron mallin ose shërbimet e blera nga një furnitor. Kur ruhet, rrit stokun e artikujve, krijon detyrimin ndaj furnitorit dhe regjistron TVSH-në e zbritshme.
Ku gjendet: Blerjet › Dokumentet › Faturat e blerjes
Lista e faturave
Kolonat kryesore: Furnitori, Nr. i Faturës, Data, Afati i Pagesës, Njësia, Vlera Origjinale, Rabati, Vlera, TVSH, Totali, Paguar, Mbetur, Referenca, Statusi dhe Tipi i Pagesës.
- Muaji aktual dhe Të gjitha njësitë filtrojnë listën.
- Eksporto, Printo dhe Më shumë punojnë si te Faturat e shitjes.
- Kolona Mbetur tregon sa ka mbetur për t'u paguar furnitorit.
Krijimi i një fature blerjeje
- + I ri.
- Te Furnitor kërkoni furnitorin me emër, kod ose numër fiskal. Butoni + krijon furnitor të ri.
- Kontrolloni Njësinë (depon ku hyn malli) dhe Datën.
- Te Nr. i Faturës shkruani numrin e faturës së furnitorit dhe te Data e Faturës datën e saj. Sistemi paralajmëron kur numri ekziston ("Ekziston Fatura me këtë numër!").
- Vendosni Afatin e Pagesës (jo para datës së faturës).
- Shtoni artikujt: Zgjedh artikullin, Sasia, Çmimi (pa ose me TVSH) dhe, nëse ka, Rabati.
- Kontrolloni Vlera, TVSH dhe Totali, pastaj Ruaj ose Ruaje dhe paguaj.
Fushat e kokës
| Fusha | E detyrueshme | Përshkrimi |
|---|---|---|
| Furnitor | Po | Partneri nga i cili blihet. |
| Nr. Fiskal | Merret nga furnitori. | |
| Njësia | Po | Njësia/depoja ku hyn malli. |
| Data | Po | Data e regjistrimit në Finabit. |
| Numri | Po | Numri i brendshëm, gjenerohet vetë. |
| Nr. i Faturës | Numri në faturën e furnitorit. Nuk lejohet i dyfishtë. | |
| Data e Faturës | Data në faturën e furnitorit (për librin e blerjeve). | |
| Afati i Pagesës | Deri kur duhet paguar. |
Rreshtat, Trego më shumë, Cakto zbritjen, Krahaso Çmimet dhe butonat poshtë janë të njëjtë si te Faturat e shitjes.
Kujdes
- Rabati duhet të jetë mes 0 dhe 100%.
- Përdorni Nr. i Faturës saktë, sepse del te Libri i Blerjeve (Raportet ATK).